Jab Woh Humse Door Hogaye…

Jab Woh Humse Door Hogaye
Sarey Haseen Khwaab Chor Hogaye

Humne Wafa Nibhai Tho Badnami Mili
Aur Woh Tho Bewafai Kar Ke Bhi Mashoor Hogaye..

Main Baddua Tho De Raha..

Main Baddua to Nahi De Raha Hon Usko Magar
Duaa Yahi Hai Use Mujh Jaisa Ab Koi Na Mile..

Woh Apni Saari Nafratein…

Woh Apni Saari Nafratein Mujh Pe Lutata Raha,
Mera Dil Jis Ko Sada Mohabbatein Sikhata Raha.

Uss Ki Aadat Ka Zara Yeh Pehlo Toh Dekho,
Mujh Se Kiye Vaade Woh Kisi Aur Se Nibhata Raha.

Kuch Khabar Nahi Woh Shaks Kya Chahta Tha,
Ke Taaluq Tode Kar Bhi Mujh Ko Aazmata Raha.

Toote Howe Taaluq Main Bhi Kitni Mazbooti Hai,
Main Jitna Bhoolati Rahi Woh Utna Hi Yaad Aata Raha

Zaroori Tho Nahi..

Zaroori Tho Nahi Joh Khushi De Usse Se Mohabbat Ho
Pyar Toh Aksar Dil Todne Waloon Se Ho Jaata Hai

Koi Baat Nahi…

Yehi Wafaa Ka Silaah Hain Tho ”Koi Baat Nahi”
Yeh Dard Tumne Diya Hain Tho ”koi Baat Nahi”

Yehi Bohot Hain K Tum Dekhte Ho Sahil Se
Safeena Doob Raha Hain Tho ”Koi Baat Nahi”

Rakha Tha Aashiyana-e-Dil Main Chupa K Tumko
Woh Ghar Tumne Chor Diya Hain Tho ”Koi Baat Nahi”

Tum Hei Ne Aaina-e-dil Mera Banaya Tha
Tum Hei Ne Toor Diya Hain Tho ”koi Baat Nahi”

Kis Ki Majal Kahe Koi Mujhko Deewana
Agar yahi Baat Tumne Kaha Hain Tho ”Koi Baat Nahi…

Itna Toota Hoon….

Itna Toota Hoon K Chooney Se Bikhar Jaonga
Ab Agar Aur Dua Dogay Tho Mein Mar Jaonga

Pooch Kar Mera Pata Waqt Rayegaa Na Karo
Main Tho Banjara Hoon Kya Janay Kidhar Jaonga

Har Taraf Dhunnd Hain Jugnu Hain Na Chiraag Koi
Kon Pehchanega Basti Main Agar Jaonga

Zindagi Main Bhi Musafir Hoon Teri Kashti Ka
Tu Jahan Mujhse Kahegi Utar Jaonga

Phool Reh Jayenge Guldaan Mein Yaadoon Ki Nazar
Main Tho Khushboo Hoon Fizaon Main Bikhar Jaonga…

Dilney Tere Barey Mein…

Dilney Tere Barey Mein Poocha Tho Bohat Roya
Woh Shakhs Jo Pathar Tha Toota Tho Bohat Roya

Yeh Dil Ke Judai Ke Unwaan Pe Barson Se
Chup Tha Tho Chup Raha Roya Tho Bohat Roya

Ik Harf Tasali Ka Ik Harf Mohabbat ka
Khud Apne Liye Usney Likha Tho Bohat Roya

Pehle Hi Shikaston Pe Khayi Thi Shikast Usney
Lekin Jab Mohabbat Mei Haara Tho Bohat Roya..

Tumhe Paa K Khoona…

Tumhe Paa k Khona Mere Bas Main Nahi
Ab Koi Aur Zakham Pirona Mere Bas Main Nahi

Ek Omar Tak Dhoya Hain Dil K Dagoon Ko
Ab Yeh Dagh Dhona Mere Bas Main Nahi

Jaag Chuke Hain Bohat Shab Ki Tanhaiyon Main K
Ab Raton Ko Sona Mere Bas Main Nahi

Khushyon Ki Aakhri Umeed Le K aaya Hun Tere Pass
Dukhon Main Ab Rona Mere Bas Main Nahi

Tere Baad Nazar Aati Nahi Mujhe Koi Bhi Manzil
Kisi Aur ka Hona Ab…..Mere Bas Main Nahi..

Kabhi Ghum Ki Aag Mein…

Kabhi Ghum Ki Aag Main Jal Uthe
Kabhi Dil ka Dagh Jala Dia

Ay Janoon-e-Ishq Bata Zara
Mujhe Kyun Tamasha Bana Dia

Gham-e-Ishq Kitna Ajeeb Hai
Ye Janoon Se Kitna Qareeb Hai

Kabhi Ashk Palkon Pay Ruk Gaye
Kabhi Main Ne Darya Baha Dia

Mera Jazba-e-Shoq To Dekhiye
Meri Bandgi Hai Wo Bandgi

Jahan Tera Naqsh-e-Qadam Mila
Wahin Kaaba Main Ne Bana Dia

Abi Kar Rehe Ho Tum Ibteda
Mera Keh Raha Hai Ye Tajruba

Tumain Zindagi Ki Hai Arzu
Mujhe Zindagi Ne Mita Dia

Uski Mohabbat Nei Itna

Uski Mohabbat Nei Itna Mazboot Kiya Mujhe
FaQat Uski Judai K Siwa Koi Mujhe Toor Na Saka..